SINOPSIS
Ieu skripsi ngagunakeun obyék panalungtikan mangrupa
buku novelét nu judulna Rasiah Kodeu
Biner kénging Dadan Sutisna. Judul ieu skripsi
téh nyaéta Novelet Rasiah Kodeu Binér dalam Dunia Detektif
Remaja, diajukeun pikeun nyumponan sarat ujian sidang Sarjana di Program Studi
Sastra Sunda Fakultas Ilmu Budaya Universitas Padjadjaran.
Rasiah Kodeu Biner nu
disingget RKB mangrupa novelét nu kaasup kana carita détéktif rumaja. Pikeun
nyumponan kabutuhan panalungtikan, tiori nu digunakan dina ieu panalungtikan nyaéta
tiori détéktif Ronald Knoxs.
Métodeu panalungtikan nu digunakeun nyaéta metodeu déskripstif, sedengkeun
métodeu kaijianana nyaéta kajian struktural.
Udagan tina panalungtikan ieu nyaéta ngadéskripsikeun téknik
penceritaan jeung ngadéskripsikeun pola détéktif nu digunakeun ku pangarang.
Salian ti éta panalungtikan dilakukeun
pikeun ngabuktikeun yén ieu novelét téh kaasup kana novelét rumaja/detektif anu ditingal tina eusi caritana. Kurmargi teu sadayana novelét anu ngagunakeun kecap rusiah
bisa nyumponan sarat minangka karya fiksi nu miboga pola détéktif.
Fokus panalungtikan aya dina galur carita jeung
pola-pola détéktif, ditilik tina psikologis rumaja jeung latar caritana, nyaéta
latar taun 2000-an. Pasualan rumaja nu aya dina ieu novelét téh némbongkeun
wawanén, kapinteran, ogé calakanna opat
rumaja dina
ngaréngsékeun hiji pasualan, nyaéta ngabongkar kajahatan nu dilakukeun ku Bu
Ening jeung batur-baturna, ngaliwatan hiji surat wasiat nu di jerona aya kodeu binér.
Kodeu binér nyaéta hiji sistem
penulisan angka ngagunakeun dua simbul nyaéta angka 0 jeung angka 1. Ieu sistem
wilangan téh mangrupa dadasar tina sakabéh sistem wilangan berbasis digital.
Tina sistem binér, tokoh bisa ngonvérsikeun kana sistem wilangan Oktal atanapi Héxadesimal. Ieu sistem bisa disebut ku istilah bit atanapi Binary Digit. Pikeun rumaja nu umurna 11-12 taun, ieu hal téh
mangrupa pamanggih anyar nu ngabogaan risiko, sabab maranéhna can miboga
pangalaman tur pangaweruh komputer nu cukup. Salian ti éta, pola-pola détéktif
nu aya dinu novelét RKB ngan aya dalapan pola, tinu sapuluh pola nu
aya dina tiori détéktif.
Tidak ada komentar:
Posting Komentar